ចំណែក

កីឡាករ​ខ្សែប្រយុទ្ធ Pierre-Emerick Aubameyang បានបង្ហាញ​ខ្លួន​ជា​លើក​ទី​៥០​របស់ខ្លួន ក្នុង​លី​គ​កំពូល Premier League អង់គ្លេស ដោយ​ស៊ុត​បញ្ចូល​ទី​គ្រាប់​ជ័យជំនះ​ឲ្យ​ក្រុម Arsenal យកឈ្នះ​លើ​ក្រុម​សារិកា​ព្រៃ Newcastle United ១-០ នៅ​ថ្ងៃ​បើកឆាក​លី​គ​។​

​គ្រូបង្វឹក​ក្រុម Arsenal គឺ​លោក Unai Emery បានដាក់​សេចក្ដីទុកចិត្ត​ទៅលើ​កីឡាករ​ដែល​រក​គ្រាប់​បាល់​ច្រើន​បំផុត​ម្នាក់ ក្នុង​លី​គ​កាលពី​រដូវ​កាល​មុន ខណៈដែល​គាត់​ដាក់​កីឡាករ Alexandre Lacazette និង​កីឡាករ​ចំណូល​ថ្មី Nicolas Pepe ឲ្យ​អង្គុយ​នៅ​កៅអី​បម្រុង ហើយ​នៅក្នុង​តង់​ទី​២ Aubameyang បាន​ស៊ុត​១​គ្រាប់​នៅ​នាទី​ទី​៥៨ សម្រាប់​ក្រុម​កាំភ្លើង​ធំ​។​

​គ្រូបង្វឹក​ថ្មី​ក្រុម Newcastle គឺ​លោក Steve Bruce ត្រូវបាន​គេ​កត់សម្គាល់​ឃើញថា មានការ​ដឹកនាំ​បានល្អ ប៉ុន្តែ​រហូតដល់​កីឡាករ Jetro Willems បាន​បង្កកំហុស​ដែល​មិនអាច​លើកលែង​បាន ដែល​ជាការ​ផ្ដល់ឱកាស​សម្រាប់​ក្រុម​ភ្ញៀវ​ក្នុង​ការរក​គ្រាប់​បាល់​។​

​ក្នុងការ​ប្រកួត​សប្ដាហ៍​បន្ទាប់​ក្រុម Arsenal នឹងត្រូវ​បើកទ្វារ​ទទួល​ក្រុម Burnley នៅ​ទឹកដី Emirates Stadium ខណៈដែល Newcastle នឹងត្រូវ​ធ្វើដំណើរ​ទៅកាន់​ទឹកដី​ក្រុម Norwich City៕

​ប្រភព​៖ Goal

ទុក​ឱ្យ​ឆ្លើយ​តប​មួយ

Please enter your comment!
Please enter your name here