ចំណែក

​ការប្រកួត​រវាង​ក្រុម Newcastle United vs Arsenal នៅក្នុង​សប្ដាហ៍​ទី​១ នៃ​លី​គ​កំពូល Premier League នឹងត្រូវ​ធ្វើឡើង​នៅ​ថ្ងៃអាទិត្យ ទី​១១ សីហា ឆ្នាំ​២០១៩ វេលា​ម៉ោង ៨​យប់ ធ្វើឡើង​នៅក្នុង​កីឡាដ្ឋាន St James’ Park​។​

​លោក Steve Bruce នឹងត្រូវ​ដឹកនាំ​ក្រុម​សារិកា​ព្រៃ​ជា​លើកដំបូង ក្នុងការ​ប្រកួត​គូ​ពិសេស​នៅក្នុង​សប្ដាហ៍​នេះ ក្រោយ​គាត់​ជំនួស​លោក Rafa Benitez ដែល​ចាក​ចេញពី​ខែ​មុន ហើយ​គាត់​នឹងត្រូវ​បង្ហាញ​ស្នាដៃ​នៅ ចំពោះមុខ​អ្នកគាំទ្រ​យ៉ាងពិត​ប្រាកដ​។​

​ក្រុម Arsenal វិញ​សម្លឹង​រក​កៅអី​ប្រកួត​ពាន Champions League សម្រាប់​រដូវ​កាល​ក្រោយ ដូច្នេះ​ក្រុម​របស់លោក Unai Emery ត្រូវតែ​ចាប់ផ្ដើម​រដូវ​កាល​ឲ្យ​បានល្អ​នៅ​ទឹកដី St James’ Park ក្នុង​ថ្ងៃ​ប្រកួត​បើកឆាក​នេះ​។​

​កីឡាករ Joelinton អាច​នឹង​ចូល​លេង​សម្រាប់​ក្រុម​សារិកា​ព្រៃ ក្រោយ​ផ្ទេរ​ទៅក្នុង​តម្លៃ​បំបែក​កំណត់ត្រា​ក្លឹប​។ ចំណែក​កីឡាករ Nicolas Pepe របស់​ក្រុម Arsenal វិញ​នឹង​រំពឹងថា នឹង​ចូល​លេង​ប្រកួត​ដំបូង​សម្រាប់​ក្លឹប​ថ្មី​របស់ខ្លួន​ដែរ​។ ចំណែក Pierre-Emerick Aubameyang និង Alexandre Lacazette ប្រហែលជា​ជម្រើស​ជួរមុខ​ល្អ​របស់លោក Emery រដូវ​កាល​នេះ​។​

​ក្រុម​ទាំង​២​ធ្លាប់​ជួបគ្នា​ច្រើន​មកហើយ ដោយ Arsenal ឈ្នះ​ច្រើនជាង គឺ​ឈ្នះ​១២​ប្រកួត ក្នុងការ​ជួបគ្នា ១៣​ដង​ចុងក្រោយ​។ ក្រុម​កាំភ្លើង​ធំ​មាន​កីឡាករ​ល្អៗ ច្រើនជាង ដូច្នេះ​ពួកគេ​នៅតែមាន​ប្រៀប​ដដែល​សម្រាប់​គូ​នេះ​៕

​ទស្ស​ទាយ​ជម្រើស​១១​នាក់​៖
Newcastle: Dubravka, Manquillo, Schar, Lascelles, Fernandez, Aarons, Hayden, Longstaff, Shelvey, Almiron, Joelinton
Arsenal: Leno, Maitland-Niles, David Luiz, Chambers, Monreal, Guendouzi, Xhaka, Ceballos, Ozil, Aubameyang, Lacazette

​ទស្ស​ទាយ​លទ្ធផល​៖ Newcastle 2-3 Arsenal

​ប្រភព​៖ standard

ទុក​ឱ្យ​ឆ្លើយ​តប​មួយ

Please enter your comment!
Please enter your name here